Aoka indrindra

"Tsy ho dinganina ny maty, amin'ny tohatoha-miakatra."
                                                                            Dox, Folihala.
 

                Aoka indrindra
                ianao ry Gasy;
                Aoka tsy hitsahinao
                ny dongom-pasana mitoetra
                eo anoloan'ny tongotrao.
                Moa tsy ao
                ny razantsika rehetra rehetra
                no matory?
                Aoka akory
                na dia dodona aza ianao
                (oh! maika izao tontolo izao!?)
                Aoka tsy handikadika
                raha mamindra;
                eo an-dohany!!!
                Fa io ange
                loha namolavola saina
                hahay handrindra
                fomba fiaina.
                Fantatro fa tena mamy
                izany rivo-bao mitsoka avy any...
                saingy... he!... tandremo!!!
                ...ity tongotrao.
                Ndeha handroso va ianao?
                ...Saino aloha ny fadin-tany!

                                      S. Tafita
                            20-06-08