Mitady
Malalako,
any ianao 'zao, mandrindrina irery
ny efitranontsika, fa alina ny andro
dia ... mandroso ny sakafo,
lovia iray monja no indro arosonao
ambin' ny sakafo atoandro
Alaminao ny lamba firakofantsika,
nampianao bodofotsy mba tsy hangatsiaka!
Dia raisinao ny zanako,
fihinina eo an-tratra, hanakona ny ratra
amin' ny alahelonao,
... mantsy moa tsy tazako?
Tsapako avokoa, ny vazo izay mandalo
ao an' eritreritrao
Hitako ihany koa, ny tazon' hakiviana
'zay isaloranao
... Ianao, - manirery velom-bady -
kanefa ataoko ahoana?
Izany ilay mitady!
Izaho koa aty, tsy poizin-tory mihintsy
fa manina anareo,
Misasatra no sady, miharitra ny ady
handresy ny toreo,
Aza kivy akia malala,
isika tsy adala!
Mahareta kely fotsiny
'Zao mantsy mahalala
ary tsy misalasala
F' izao no fanafodiny ...
Manàna faharetana, minoa fotsiny ihany
ary dia taizao ny zaza
Fa kely sisa dia, tsy maintsy tongako any
hivimbina aina vao
na aza izay sahaza !!!
any ianao 'zao, mandrindrina irery
ny efitranontsika, fa alina ny andro
dia ... mandroso ny sakafo,
lovia iray monja no indro arosonao
ambin' ny sakafo atoandro
Alaminao ny lamba firakofantsika,
nampianao bodofotsy mba tsy hangatsiaka!
Dia raisinao ny zanako,
fihinina eo an-tratra, hanakona ny ratra
amin' ny alahelonao,
... mantsy moa tsy tazako?
Tsapako avokoa, ny vazo izay mandalo
ao an' eritreritrao
Hitako ihany koa, ny tazon' hakiviana
'zay isaloranao
... Ianao, - manirery velom-bady -
kanefa ataoko ahoana?
Izany ilay mitady!
Izaho koa aty, tsy poizin-tory mihintsy
fa manina anareo,
Misasatra no sady, miharitra ny ady
handresy ny toreo,
Aza kivy akia malala,
isika tsy adala!
Mahareta kely fotsiny
'Zao mantsy mahalala
ary tsy misalasala
F' izao no fanafodiny ...
Manàna faharetana, minoa fotsiny ihany
ary dia taizao ny zaza
Fa kely sisa dia, tsy maintsy tongako any
hivimbina aina vao
na aza izay sahaza !!!