RADO (1923 - 2008) - MANAFOSAFO!

TENY FANOLORANA

TANIKA SY DINIKA

NY POETA TSY MBA MATY

HO AN' IZA ???

Blog : MANAFOSAFO!
Catégorie : malagasy fitiavana kolontsaina fialamboly Ainga Littérature
Description : Rehefa tafaray ny ranomainty sy ny fanahy zarainy, tena afaka mifampitaha amin' ireo sangan' ny literatiora ny poeta tanora malagasy. Hitondra anao any amin' ny tontolo tsy lavitry ny hita maso nefa sarotra vinaniana izy ireo amin' ny alalan' ny ainga mirakitra anjoria.
Partager ce blog
Retour à la page d'accueil

ZOVY MOA I ...

RADO (1923 - 2008)

INDRAY MIPIKA

TSILO.jpg

OMBAY MITADY

TSILO

SERANA

24/02/2011 18:27:26
Tsy hita
14/01/2010 10:49:30
Orok' Anjely
25/11/2009 09:29:29
Velona sy vanona
23/11/2009 12:52:02
mianoka fotsiny aloha
21/10/2009 00:43:49
mianoka fotsiny aloha
29/07/2009 23:39:37
Laingalainga
06/04/2009 12:30:26
Orok' Anjely
24/02/2009 22:02:03
Sendra anao
22/11/2008 11:28:48
Laingalainga
14/11/2008 09:26:21
Laingalainga

RADO (1923 - 2008)

             Sanatria tsy hoe maty vao Ra-malala fa nataon-janahary ho i Rado mihitsy no nisantatra ity sokajy ZOVY MOA I ... 'ny Manafo ity.
            Tamin' ny 01 Oktobra 1923 no latsa-tavony tao Ankadivato Antananarivo i ANDRIAMANANTENA George, na Rado, faralahy amin' izy dimy naterak' i Gaston Andriamanantena sy Razafindrafara Ray aman-dReniny. Fito taona izy no niditra nianatra tao amin' ny sekolim-panjakana tao Faravohitra. Efa-taona taorian' izay no nahalasana ny reniny ka nampivelatra ny ambo-pony.
Tamin' ny taona 1933 no nanohy ny fianarany tao Ambohijatovo Atsimo i Rado talohan' ny nifindrany tao amin' ny Kolejy Paul Minault tamin' ny taona 1942. Anisan' ny olona nobeazin-dry Pasteur Ravelojaona izay fantatra noho ny fitiava-tanindrazana sy Alphonse Ravoajanahary anisan' ireo mpanoratra sangany teo amin' ny tantaran' ny literatiora malagasy ka izany no anisan' ny nampivotara ny firehany hitia bebe kokoa ny lieratiora. Iray taona taorian' io no nidirany teo amin' ny sehatry ny asa ka tao amin' ny La Préservatrice, orinasa mpiahy iray teto an-drenivohitra, no nanombohany izany; Mpanamarin-kaonty no anjara asany tamin'izany.

          Tamin'io taona io ihany koa no nanombohany ny asa fanaovan-gazety ka nirahany làlana tamin' ny rahalahiny Celestin Andriamanantena tao amin' ny gazety HEHY; Nahaliana azy ny asa fanaovan-gazety ka nahatonga azy nitovo fahalalana momba izany tao amin' ny Ecole de Journalisme tao Strasbourg tamin'ny taona 1960.
             Eni-taona taorian' io dia niasa tao amin' ny trano printy protestanta Imarivolanitra nandritry ny folo taona i Rado talohan' ny nanohizany indray ny asa fanaovan-gazety; Ny taona 1978 izy no nitsahatra tamin'izany. 29 Janoary 1988, tafiditra ho mpikambana tao amin' ny akademia malagasy ny tenany. Mpikambana raikitra tao amin' ny fikambanan'ny Mpanoratra malagasy Havatsa-UPEM.
Sangan'asa folo mirakitra ny tononkalony no rantovina ao amin' ny fandaharam-pianarana malagasy amin'izao fotoana izao.

Mpanoratra, poeta, mpanao gazety, mpanao sary, mpamoron-kira, mpikabary ary nitolona sy nanokana ny fiainany tamin' ny fiarovana ny zon' olombelona sy ny fanandratana avo ny literatiora Malagasy i Rado, to ny làlana voafaritry ny ao ambony hodiaviny ka omaly alina, 15 Septambra 2008 no nandaozan' ny nofony ny tontolon' ny velona, fa ny fanahiny kosa mbola hamonto ny fanahintsika ary ny aingany miaina any anatin' ny fon' ny malagasy rehetra.

Santionany amin' ny voan-kantony:

"Dinitra" 1973 - (mirakitra ny tononkalo voasoratra tao anatin' ny taona 1943 - 1979) Boky nivoaka voalohany ary ny rahalahiny ihany no nanolotra ny sasiny

"Sedra" Mirakitra ireo tononkalo miresaka ny hetraketraky ny fiainana, ireo tononkalo natolony ho an' ny namana na fianakaviana lasana.

"Zo" Maneho indrindra indra ireo ainga mitolona ho an' ny fitiavana, ny zon' ny fanehoana hevitra sy ny fahafahana amin' ny lafiny rehetra.

        Olga HELISOA, Paris - Xavier RAZAFIMAHATRATRA -
                      Andon' Ny Aina, L'Shi - Sary: Masy
                            Lubumbashi, R.D.C 16/09/08